عاوز تعيش مستريح وذهنك صافي وإنفعالاتك متزنه و نفسيتك هادئه،خلي علاقتك بأي حد مهما كان فيها مسافه و المسافه دي تكون آمنه، لا هى مسافة قريبه قوي تبين عيوبك انت وهو ولا هى مسافة بعيده قوي تخفي مميزاتك انت وهو…
حدد المسافة اللي تخليك شايفه وشايف نفسك معاه ازاي ،يعني تقربها وتبعدها على حسب تأرجح علاقتك به
Safety distance
فأن حب يبعد منك ماتغصبوش يقترب.وان حب يقرب منك
استمع اليه ،المسافة دي انت لوحدك اللي بتحددها وتتحكم فيها، بحيث تسمحلك بالإقتراب منه إذا أراد الإقتراب منك والإبتعاد عنه إذا أراد الإبتعاد عنك، ولازم تتأكد وانت بتقربه ناحيتك متخليش قربه منك وعلاقتك القويه به تسبب لك اي أوجاع أو معاناة لو ابتعد وهجرك
خليك دايما جاهز لأي رد فعل منه
عارفين ليه…لأن وجعنا وقلقنا الشديد دايما بيجي من ثقتنا الكبيره.في الفكرة الهبله العبيطه غير المنطقية اللي بتقول إن حبايبنا مش هيخذلونا ولا هيكسروا بخاطرنا، علشان كده نصيحتي ماتدخلش مع حد في علاقه عميقه قوي يعني ماتعشهوش قوي ولاتتعشمش فيه قوي، فبقدر معايشتك العميقه والشديده لأي حد بقدر وجعك وجرحك و ألمك منه ..
#مجرد _خاطره
استاذ علم النفس …جامعة عين شمس
