احذر!.. ابنك ممكن يكون بيتجسس عليك من غير ما يقصد!
بقلم: عبدالسلام عطاالله
في زمن بقى فيه الموبايل أقرب من النفس، ظهرت كارثة جديدة بتهدد كل يبيت مصري من غير ما نحس.
الهاكرز ما بقوش بيكسروا كلمة السر… لأ، دلوقتي بيدخلوا البيت من خلال أولادنا!
تطبيقات بسيطة على موبايلات الأطفال — ألعاب، كاميرا فلاتر، أو حتى برامج تعليمية — بتطلب صلاحيات “بريئة” زي المايك والكاميرا والموقع. لكن الحقيقة إنها بوابة خلفية بتفتح للهاكرز أبواب كل حاجة في الموبايل… الصور، التسجيلات، والواي فاي بتاع البيت نفسه!
ويشير المهندس عبدالسلام عطاالله علي إنه يوجد موجة جديدة من “تطبيقات الأشباح” المنتشرة على متاجر غير رسمية، مصممة خصيصًا عشان تراقب نشاط المستخدمين، خصوصًا المراهقين.
الأخطر إنها بتتخفي داخل ألعاب مشهورة، وتبدأ في إرسال بيانات المستخدم إلى خوادم مجهولة بمجرد تشغيلها.
“ابنك ممكن يكون بيلعب، والتطبيق بيسجل كل اللي حواليه صوت وصورة”، هكذا وصف الخبير الوضع.
وزارة الاتصالاتوزارة الاتصالات أطلقت حملة توعية جديدة تحت شعار “راجع صلاحيات التطبيقات.. قبل ما التطبيق يراجع حياتك!”، بتحذر فيها الأسر من تحميل أي تطبيق بدون مراجعة مصدره أو صلاحياته.
أمن المعلومات مش مجرد كلمة … دا بقى أمن بيتك، وأمن ولادك، وأمن خصوصيتك اللي ممكن تضيع بضغطة علي موبايلك.
فكّر قبل ما تسيب ابنك يحمل لعبة جديدة، لأن اللعبة ممكن تكون “حصان طروادة” جديد جوه جيبك!
