فتحى الشرقاوي يكتب
هل إنت نوستاليجي ؟
طبعا زمانك بتقول في سرك هو إيه النوستالجيا دي، اطمئن ده مش دوا ولا مضاد حيوي ولا حاجه…
بص ياسيدي النوستالجيا معناها حنينك وشوقك للماضي واعتبار ذكرياتك واحداث حياتك إللي فاتت بمثابة أجمل الفترات والأوقات التي عشتها وعايشتها ودائما ما يسرح خيالك بيروح ناحية الحته دي( الماضي)
خاصة تضيق الدنيا تضيق بك وتطاردك الهموم والازمات، فتجد نفسك رايح بدماغك وكل حنينك للماضي وتردد فين أيام زمان….بص ياسيدي
أنا عاوز أقول لك حاجه مهمه.لو إنت عايش في النوستالجيا دي على طول
ومش مركز ولا منتبه للحاضر إللي إنت عايش فيه في هذه الحالة النوستالجيا تصبح مشكله ومطلوب فورا تعرض نفسك على حد متخصص، لأنك ستكون حينئذ عايش ماضيك وهاجر حاضرك،
أما لو كانت النوستالجيا عندك على فترات، فأنا بقولك إن هذا شيئ صحي تماما، يعني لو على فترات قمت باسترجاع
ذكرياتك القديمة الايجابيه
واعدت معايشتها بداخلك
وخيالك تلك الذكريات، وتجعلك تشعر بالدفع والحنان،فلا مانع حينئذ من العيش فيها قليلا بمشاعر الدفء إللي فيهاحيث تضفي على حاضرك المتأزم قليلا بعض مظاهر الانبساطية كأنها نوع من الانتعاشه النفسيه ،
بس أهم حاجه تبقى ذكريات حلوه لأنك لو استدعيت ذكريات سيئة وسلبيه، يبقى أنت بتضع نفسك على أول درجات الاكتئاب، من الآخر كده، النوستالجيا نعمه من عند ربنا لأنها أشبه بمورد الماءالذي يمكنك أن تنهل منه بعض الراحه وسط خضم الحياة المُتعب والمُوجع
.Mind سبيل المثال أنا شخصيا النوستالجيا بتاعتي أيام نجاحاتي وتفوقي ايام الجامعه ويوم معرفتي بشريكة عمري ويوم الخطوبه و الجواز وأيام خلفة كل إبن من ابنائي وبناتي وأيام ميلاد كل حفيد من احفادي،شوفوا أنتم بقى إيه النوستالجيا الخاصة بكل واحد منكم.وماحدش كئيب يقولي قاموس حياتي لا يوجد فيه نوستالجيا،
ساعتها ذأقولك روح اكئيب يا إبن الكئيبة غني مع حسن الاسمر كتب حياتي ياعين.. ما لقتش زيه كتاب الفرح فيه سطرين والباقي كله عذاب..عذااااااااب
