ابطال مصر لايعرفون الاستسلام ..رفض نادى المحلة والاتحاد سفره فتبرع اهله بثمن تذكرة السفر فتوج بطلا للعالم

عامل و مُدرب للسومو و الجودو في نادي غزل المحلة مرتبة 140 جنيه جاله دعوة للمشاركة في بطولة العالم المفتوحة للسومو بأمريكا ، طلب من نادي المحلة أجازة و مصاريف للرحلة للمشاركة كا لاعب مصري وعربي وحيد في البطولة و كان رد الإدارة كالآتي مفيش فلوس نديهالك تسافر بيها و اللي هيشتغل هيقبض و اللي ميشتغلش مايقبضش ، وكمان اتحاد اللعبة رفضوا انهم يسافروا على حسابهم، جمع تذكرة الطائرة من أهله و رغم كل الظروف البائسة دي سافر و شارك في البطولة و فاز علي بطل العالم اللي احتل منصة التتويج لمدة تسع سنين ، ولما أتساءل هل انت حزين من تجاهل وسائل الإعلام في تكريمك على الانجاز الدولي اللي حققته،كان رده اهم تكريم ليا اني وصلت لمنصة التتويج و رفعت علم بلدي و هتف ورايا عشرات الآلاف مصر مصر
تحية للبطل رامي الجزار اللي  تحدى الجهل الرياضي و قِدر إنه يحقق إنجاز عالمي  جديد لمصر العظيمة بلد العزة والتاريخ